Ushuhuda: Waliopona Westgate wasimulia unyama uliofanywa na magaidi, walingolewa macho, pua, na vidole kwa ‘pliers’

Tukio la Westgate halitasahaulika kirahisi kutokana na jinsi ambavyo limechukua uhai wa watu wasio na hatia kikatili na kusababisha maumivu kwa wale walionusurika na shambulio hilo. Unapopata nafasi ya kusikia watu walionusurika kuuawa katika shambulio hilo ndio unaweza kujua ukubwa wa tukio hilo.

Ikiwa inaelekea wiki moja tangu shambulio hilo litokee katika jengo la biashara Westgate jijini Nairobi, watu mbalimbali wamehadithia jinsi walivyoshuhudia kilichotokea wakati wa tukio hilo mpaka walipofanikiwa kujiokoa au kuokolewa.

Mashuhuda wanasema kuwa magaidi hawakuishia tu kushambulia raia na wana usalama kwa silaha, lakini waliwatesa pia kwa kuwang’oa macho, vidole kwa koleo (pliers) na kuwanyonga kwa kuwaning’iniza miili yao kabla ya kuwauwa.

Mfano wa Koleo (Pliers) iliyotumiwa na magaidi kuwang’oa mateka vidole, macho, na pua

Jana, wanajeshi na madaktari ambao walikuwa miongoni mwa watu wa kwanza kuingia Westgate toka shambulio hilo kumalizika Jumanne, walielezea jinsi mateka walivyopata mateso kutoka kwa magaidi kuwauwa.

Kwa mujibu wa Mail Online wanajeshi waliokuwa wakipambana na magaidi hao wamesema kuwa miili ya watoto ilikutwa katika majokofu ya chakula baada ya kuuwawa kikatili huku visu vikiwa bado katika miili yao.

“Unakuta watu wamenyongwa kwa kuning’inizwa kutoka kwenye paa” alisema daktari ambaye hakutaka jina lake litajwe.

“Waliwatoa macho, masikio na pua, kisha wakawachonga vidole kama penseli kisha kuwaambia waandike majina yao kwa damu inayotoka kwenye vidole”.

“Kwa kweli kama ukiiangalia miili yote, ukitoa ya wale ya waliofanikiwa kuokolewa, wengi vidole viling’olewa na pliers, na pua ziling’olewa na pliers.”

alisema.

Mfanyakazi wa Radio Africa Group ya Kenya Bernard Wambua ni mmoja kati ya waathirika wenye bahati baada ya kupona katika shambulio hilo bila hata mchubuko mmoja.

Wambua akiongea na Daily Nation alisema yeye alifanikiwa kumuona uso kwa uso mwanamke wa Uingereza Samantha Lewthwaite aka ‘The White Widow’ anayehisiwa kuongoza shambulio hilo, na kudai aliwashambulia na kuwaongoza magaidi wenzake aliokuwa nao kwa kuwaonyeshea watu wa kuwapiga risasi.

Samantha ‘White Widow’

“Nilimwona mwanamke mweupe akiwa amevaa kibegi cha pesa kiunoni. Alimimina risasi kuja tulipokuwa bila kujali kelele za mayowe ya watoto”. Alisema

Wambua aliendelea kusema kuwa yeye pamoja na wenzake wengine 50 kutoka East FM walikuwa eneo la maegesho ya magari katika jengo la Westgate wakiandaa shindano la kupika la watoto, ambapo watoto waliohudhuria walisindikizwa na wazazi wao.

Kwa mujibu wa Wambua mambo yaliendelea vizuri mpaka saa 5 na dakika 50 asubuhi ya Jumamosi (September 21),

“Tulikuwa ndio tunamalizia kuandaa meza ambayo ndiyo ingetumiwa na watoto kwaajili ya shindano la kupika muda mfupi kabla ya saa sita mchana tulipoanza kusikia milio ya risasi. Mwanzo tulidhani ni wizi tu wa kawaida lakini sauti za milio ya risasi ziliendelea kuwa kubwa kama mtu anayepiga anakuja tulipokuwepo.

Wanaume wawili walikuja kwenye eneo la maegesho ya magari tulipokuwepo, walikuwa wamevaa t-shirt na jeans na mmoja aakiwa amejifunga kiremba cha kiarabu kichwani. Mikononi walikuwa na silaha nzito na niliona bastola zikitokeza pia mifukoni mwao, walianza kushambulia kwa kumpiga risasi kila mtu na kila kitu.
Wengi wetu tulijificha chini ya meza tulizokuwa tunaandaa kwaajili ya shindano, lakini magaidi waliendelea kutushambulia.


Hati feki ya kusafiria ya Samantha ‘White Widow’

Na hapo ndipo mwanamke ngozi nyeupe alipoungana nao, yeye pia alikuwa na bunduki. Alikuwa anawaonyesha vitu na wenzake kuvipiga risasi. Mwanamke huyo aliupiga risasi mtungi wa gesi tuliokuwa tunautumia ambao ulisababisha moto mdogo kutokea. Bahati nzuri haukusambaa, lakini aliendelea kushambulia microwaves zilizokuwepo. Yeyote aliyepiga yowe alipigwa risasi na magaidi hao.

Waliondoka eneo la maegesho ya magari baada ya kuwa kimya kabisa, labda wao walidhani kuwa wamewauwa watu wote. Kulikuwa na ukimya wa kutisha, na harufu nzito ya damu, watu wengi waliuwawa.”

Alisema Wambua

Baada ya vyombo vya usalama vya Kenya kufanikiwa kukabiliana na magaidi hao, Rais wa Kenya Uhuru Kenyatta alitangaza siku tatu za maombolezo kuanzia jumatano ya wiki hii.

Magaidi kati ya 10 na 15 wanahisiwa walivamia Westgate Jumamosi iliyopita, kulingana na taarifa ya viongozi wa Kenya.

SOURCE: GHAFLA, MAIL ONLINE

Read more ...

Kampuni iliyokata bima ya Westgate yakabiliwa na bili ya Kshs bilioni 6.6 kufuatia shambulio la kigaidi

Pressure za mabosi wa kampuni ya bima yenye makao yake jijini London, Uingereza The Lloyd’s market ipo juu baada ya jengo la Westgate ya Nairobi, Kenya iliyokuwa imekata bima kwenye kampuni hiyo kushambiliwa na magaidi Jumamosi iliyopita na kusababisha vifo vya watu zaidi ya 70.

Zaidi ya maduka 50 yalikuwa ndani ya mall hiyo zikiwemo ofisi za Nakumatt Supermarkets, Barclays Bank, migahawa, maduka ya vidani na nguo, yote yamepata hasara kubwa ambayo haijajulikana bado.

Watu zaidi ya 500 waliokuwa wakifanya kazi humo nao wamebakia bila kazi na tangazo la kuwa ghorofa tatu za jingo hilo zimeanguka linamaanisha kuwa itachukua miezi kibao hadi mambo yarejee kama mwanzo.

Imebainika kuwa Sony Holding Limited, kampuni ya nyumba inayomilikiwa na Alex Tachenberg, ilikata bima kwaajili ya jengo hilo kupitia kampuni ya Lloyd’s ya thamani ya shilingi bilioni 6.6 za Kenya.

Gazeti la The Times la India liliripoti kuwa ujenzi wa jengo hilo uliosimamiwa na nguli wa ujenzi Lakshman Raghavani wa India uligharimu shilingi bilioni 4.2 za Kenya.

Kampuni ya Knight Frank inayothamanisha mali ililiambia gazeti la Business Daily kuwa jengo hilo haliwezi kuuzwa chini ya shilingi bilioni 6.9 za Kenya.

Source: Business Daily

Read more ...

Video: Wanaume wawili wa Mombasa wakubaliana kisheria kumuoa mwanamke mmoja.

Wanaume wawili wa Kenya wamesaini makubaliano ya kumuoa mwanamke mmoja. Mwanamke huyo alikuwa na uhusiano kwa wakati mmoja na wanaume hao kwa miaka minne na amekataa kumchagua mmoja.

Makubaliano hayo yanawaruhusu wanaume hao, Sylvester Mwendwa na Elijah Kimani kuishi na mwanamke huyo nyumbani kwake na watamsaidia kuwalea watoto wawili alionao. Gazeti la Daily Nation limeandika kuwa Mwendwa na Kimani wamelazimika kukubaliana hivyo baada ya kubaini kuwa wote walikuwa na uhusiano na mwanamke huyo wa Mombasa.

Sehemu ya makubaliano hayo inasema: Mimi Sylvester Mwendwa na Bw Elija Kimani, tume- kubaliana yakuwa kuanzia leo hatutawahi kubishana wala kuoneana wivu kwa ajili tayari tumejuana na mke ambaye anaitwa Joyce Wamboi ambaye amesema hayuko tayari kupoteza penzi letu.”

“Kila mmoja ataheshimu siku aliyopangiwa. Tunakubaliana kupendana na kuishi kwa amani. Hakuna aliyetulazimisha kufikia makubaliano haya.”

Mwenda amesema wazazi wake wamempa baraka zote na sasa anajiandaa kutoa mahari. Mwanamke huyo ni mjane na ana watoto wawili.

Source: Daily Nation, NTV, BBC, K24

Read more ...