Pamoja na jeraha la Sheikh Ponda Begani Aswekwa Gerezani Segerea

Wakili Nassor Jumaa anayesimamia Katibu wa Jumuiya na Taasisi za Kiislam nchini, Sheikh Ponda Issa Ponda (54) ambaye kwa sasa anakabiliwa na kesi mpya ya kufanya uchochezi katika maeneo mbalimbali ya Jamhuri ya Muungano wa Tanzania amezungumzia leo hii majira ya saa 7 mchana nje ya viwanja vya Mahakama ya Hakimu Mkazi Kisutu Dar  es Salaam  ambapo  amesema kuwa amesikitishwa na hatua  ya vyombo vya dola kumuondoa Sheikh Ponda aliyekuwa amelazwa katika wodi ya Kitengo  cha Taasisi ya Tiba  ya Mifupa  na Upasuaji wa Mishipa ya Fahamu (MOI) alikokuwa akipatiwa matibabu na kisha kumhamishia katika gereza la Segerea.

Wakili Jumaa amesema amesikitisha na kitendo hicho kwani muda mfupi baada ya wakili mwandamizi wa serikali Tumaini Kweka kumaliza kumsomea Sheikh Ponda shitaka linalomkabili, Hakimu Hellen Riwa alitoa amri ya kukaa chini ya ulinzi Sheikh Ponda aendelee na matibabu.

Jumaa akasema ameshangazwa kuona leo, wanausalama wamemtoa Sheikh Ponda wodini na kumpeleka katika gereza la Segerea na kwamba atalazimika kurudishwa tena mahakamani siku kesi yake itakapojatwa Agosti 28 mwaka huu, ambapo upelelezi wa kesi hiyo bado haujakamilika.

“Kwa kweli kitendo hicho kime nisikitisha na kunishitua sana… ila tunatafakari ni hatua gani za kisheria tutazichukua huko siku za usoni,”alisema Jumaa.

 Kwa upande wao familia ya Sheikh Ponda wamesema wanalaani kitendo kilichofanywa na serikali cha kumuondoa ndugu yao hospitalini huku akiwa anaendelea kupata matibabu.

Msemaji wa familia hiyo Is-haq Rashid, alisema kutokana na hali hiyo kama familia wanalirudisha suala la Sheikh Ponda kwa uongozi wa jumuiya na Taasisi za kiislamu kwa ajili ya hatua zaidi ya kuhakikisha kiongozi mwenzao anakuwa salama.

“Uporaji huu wa mgonjwa unazidi kutupa mashaka juu ya dhamira ya serikali hasa ikiwa tunalituhumu jeshi la polisi katika kumdhuru Sheikh,hatujui kwanini kila wakati wanafanya mambo yao kwa kuvizia kama mwanzoni tuliwaomba viongozi wenzie wawe na subira juu ya yaliyotokea sasa tunaachia hili walizungumzie wao.”alisema Is-haq.

Wakati huo huo taarifa zilizopatikana zinaeleza kuwa viongozi wa Jumuiya na Taasisi zaKiislamu  walikuwa katika kikao kizito cha kujadili hatua hiyo ya kuporwa kwa Sheikh Ponda akiwa katika matibabu

Read more ...

Sheikh Ponda mashitaka akiwa hoi.

KATIBU wa Jumuiya na Taasisi za Kiislamu Tanzania, Sheikh Ponda Issa Ponda (54), amesomewa shtaka akiwa kitandani katika Kitengo cha Taasisi ya Tiba ya Mifupa na Upasuaji wa Mishipa ya Fahamu (MOI).

Katika shtaka hilo, Ponda anadaiwa kuwahamasisha wafuasi wake kufanya kosa.

Mbele ya Hakimu Mkazi wa Mahakama ya Kisutu, Hellen Riwa, Mwendesha Mashtaka wa Serikali, Tumaini Kweka, alidai kuwa uhamasishaji huo ulifanyika sehemu mbalimbali nchini kuanzia Juni 2 hadi Agosti 11 mwaka huu.

Kweka alidai kuwa kosa hilo ni kinyume cha sheria ya makosa ya jinai kifungu 390 na 35 ya kanuni za adhabu.

Kutokana na shtaka hilo, Hakimu Riwa aliahirisha kesi hadi Agosti 28 na kutoa agizo Sheikh Ponda aendelee kuwa chini ya uangalizi wa vyombo vya dola wakati akiendelea na matibabu.

Baada ya Hakimu Riwa kuahirisha kesi, wakili wa mshtakiwa Nasoro Jumaa, alilaumu utaratibu uliotumika na kusema kuwa mahakama imefanya kazi nje ya muda wa kawaida wa saa za kazi za kiserikali.

Alisema mawasiliano ya awali ilikuwa askari na Tume ya Haki Jinai ya Jeshi la Polisi kufika hospitalini hapo kwa ajili ya kufanya mahojiano na Sheikh Ponda.

Aliongeza kuwa baada ya maofisa hao kufika hali ya Sheikh Ponda haikuruhusu mahojiano kufanyika na ilipofika saa kumi jioni kila mmoja alitawanyika.

Jumaa alisema kuwa wakiwa wanakaribia geti la kutokea Muhimbili, walipigiwa simu kuwa Sheikh Ponda anasomewa mashtaka, hatua aliyodai kuwa iliwashangaza.

“Kama walikuwa na dhamira ya kumsomea mashtaka wangetuambia, kwa kuwa ni haki ya msingi kwa mtuhumiwa kuwa na mwanasheria wake kwa ajili ya kujua taratibu zilizotumika,” alisema.

Alisisitiza kuwa baada ya kupata hati ya mashtaka wanajiandaa kupinga kosa hilo kwa kile alichoeleza kuwa Mahakama ya Hakimu Mkazi Kisutu haina uwezo wa kusikiliza kosa la aina hiyo.

Aliongeza kuwa kabla ya kufikiwa kwa hatua ya kumsomea shtaka Sheikh Ponda, walishaandika barua ya kutokuwa na imani na Tume ya Haki Jinai ya Jeshi la Polisi katika uchunguzi wao kwa kile alichoeleza kuwa ni watuhumiwa wa kwanza katika tukio la kujeruhiwa kwa mteja wake.

Awali kabla ya kesi hiyo kusomwa maeneo mbalimbali ya Hospitali ya Muhimbili hususan jirani na jengo alilolazwa Sheikh Ponda, yalikuwa yamezingirwa na makachero wa polisi wakiwa na magari matano ya Kikosi cha Kutuliza Ghasia.

Magari mawili yenye namba PT 2072 na PT 2061 yalikuwa jirani na mlango wa kuingilia katika kitengo cha mifupa huku askari wakiwazuia wananchi wasiende kumuona Ponda kwa kile walichoeleza kuwa kuna shughuli za kiserikali zinaendelea.

Miongoni mwa watu waliozuiwa ni wakili maarufu nchini, Profesa Abdallah Safari.

Tanzania daima

Read more ...

PICHA UPDATE: HILI NDIO JERAHA LA SHEKHE PONDA ALILOPIGWA RISASI

KATIBU WA JUMUIYA ZA KIISLAMU TANZANIA  SHEKHE ISSA PONDA NI KWELI HAPO JANA ALIPIGWA RISASI NA KWASASA YUPO HOSPITALI YA  RUFAA YA MUHIMBILI KWA MATIBABU ZAIDI NA SI KWELI KAMA YUPO CHINI YA ULINZI WA POLISI KAMA  SMS MBALIMBALI KUPITIA SIMU ZA VIGANJANI ZINAVYOSAMBAZWA.PIA JUMUIYA NA TAASISI YA KIISLAMU TANZANIA LEO BAADA YA SWALA YA ALASIRI KATIKA MSIKITI WA MTAMBANI KINONDONI ILITARAJIWA KUTOA  TAMKO KUHUSIANA NA TUKIO HILO.

SHEKHE ISSA PONDA AKIUGUZWA MUHIMBILI

SEHEMU ALIYOJERUHIWA  SHEKHE ISSA PONDA

Read more ...

PICHA SHEIKH PONDA AKIWA HOSIPTALI ALIPLAZWA.

 SHEIKH PONDA ISSA PONDA

Sheikh Ponda akiwa anaingizwa katika chumba cha matibabu, MOI leo mchana, baada ya kupokelwa katika Hospitali ya muhimbili. Chini ni jengo la MOI mahali alipo kwa sasa.

Read more ...

Taarifa ya kilichojiri Morogoro kuhusu Sheikh Ponda

Ifuatayo ni habari moja yenye muunganisho wa taarifa mbili kumhusu Sheikh Ponda. Awali ni taarifa ya yaliyotukia Morogoro hapo jana na inayofuata ni habari ya juzi kuhusu agizo la DPP la kutaka akamatwe.

KATIBU wa Jumuiya ya Kiislamu nchini , Shekhe Ponda Issa Ponda, alijikuta katika wakati mgumu baada ya kuumizwa na kitu kinachodhaniwa kuwa ni risasi kwenye bega lake la kulia wakati akiekelea katika Msikiti wa Mungu Mmoja Dini Moja wa Mjini Morogoro baada ya kumalizika kwa kongamano ya Dini ya Kiislamu.

Mkasa huyo ulitokea Jumamosi Augosti 10, mwaka huu majira ya saa 12:15 za jioni eneo la barabara ya Tumbaku karibu na Fire, mara baada ya kumaliza kwa Kongamano la Kiislamu lililofanyika kwenye uwanja wa Shule ya Msingi Kiwanja Cha Ndege, Kata ya Saba Saba, Manispaa ya Morogoro.

Shekhe  Ponda alishiriki katika Kongamano hilo lililoandaliwa na Umoja wa Wahadhiri wa Dini ya Kiislamu Mkoani Morogoro na kufanyika siku ya Idd Pili kuanza saa nane mchana hadi kumi na mbili jioni ya siku hiyo.

 Kongamano hilo lilipata baraka zote na Jeshi la Polisi Mkoani Morogoro, ambalo lilitoa  masharti kadhaa ya kuzingatiwa na wazungumzaji ikiwa ni kutokashifu dini nyingine wala viongozi wa serikali.

 Sakata la kutaka kutiwa mbaroni kwa Shekhe Ponda lilikuja baada ya yeye kudaiwa kukiuka masharti ya Mahakama aliyopewa baada ya kuhukumiwa kifungo cha mwaka mmoja nje wa  kutakiwa asitende kosa lolote la jinai anapotumikia adhabu hiyo.

 Mwenyekiti wa Kamati ya Maadalizi ya Kongamano hilo, Ustaadhi Idd Msema, alidai kuwa Shekhe Ponda

baada ya kutoka ndani ya gari eneo la Uwanja wa Shule ya Msingi Kiwanja Cha Ndege aliofika mita chache katika barabara ya Tumbaku alitelemka na wakat akitaka kuingia garini ilifayuliwa risasi iliyompiga begani.

 Ustaadh Msema alidai kuwa baada ya kupigwa risasi begani waumini waliokuwa wameambatana naye walimchukua na kumpakiza kwenye Pikipiki hadi Hospitali ya Rufaa ya Mkoa wa Morogoro ili kupoatiwa matibabu.

 Kwa mujibu wa Mwenyekiti huyo, baada ya kufika hospitali, waliona anacheleweshwa kpatiwa matibabu na ndipo walipoamua kumwondoa na kumpekea kwenye Hospitali binafsi ambayo hakupenda kuitaja.

Akizungumzia kwa kina hali ya Shekhe Ponda baada ya kujeruhiwa huko, alisema kuwa yu hai licha ya kuumia vibaya begani na kwamba wanatarajia kumpekela eneo jingine hususani Jijini Dar es Salaam kupata matibabu zaidi.

Alisema viongozi wa Umoja huo hauwezi kuweka wazi sehemu anakotibiwa kwa kuwa jambo hilo ni la kiusalama zaidi hasa wakati huu ambapo kumekuwa na sinto fahamu.

Baadhi ya walinzi wa Hospitali ya Rufaa ya Mkoa wa Morogoro waliozungumza juu ya tukio hilo , walikiri kuwa Shekhe Ponda aliletwa hapo kwa usafiri wa Piki piki zikiambatana na nyingine zaidi ya 50 na kuishia getini.

Walisema walimwingiza adi mapokezi na kwamba walipoona umati mkubwa upo getini waliamua kutoa taarifa Polisi kuwa wamevamiwa na watu ambapo muda si mrefu Polisi wa FFU waliwasili na gari lao Hospitalini hapo.

 Hata hivyo walinzi hao walisema, baada ya kuona Askari wamefika Hospitalini hapo, baadhi ya wafuasi wa Shekhe Ponda waliamua kumyanyua na kumbeba mabegani na kutoka naye mlango mwingine wakimlazimisha mlinzi kuwafungulia mlango na baadaye wakatokomea naye kwa usafiri wa Pikipiki kusikojulikana.

Kufikishwa kwa Sheshe Ponda katika Hosipitali ya Rufaa kulithibishiwa pia na Mwenyekiti huyo ambaye alidai  kuwa waliamua kumwondoa baada ya kuchekewa  kupatiwa huduma.

Baada ya tukio hilo, uvumi ulisambaa meneo mbalimbali nchini ukidai kuwa Shekhe Ponda amepigwa risasi na Polisi na kufariki dunia. Kamanda wa Polisi wa Mkoa wa Morogoro, Feustine Shilongine akizungumza na Mwandishi wa Habari hizi majira ya saa tatu usiku wa Augosti 10, baada ya kutokea kwa tukio hilo, alisema kuwa hapakuwa na taarifa juu ya kutokea kifo cha Shekhe Ponda.

 “ Nimepingiwa simu zaidi ya 50 , zikiulizia jambo hili...kuwa Ponda amefariki dunia ...Binafasi nami ninazisikia , ujumbe umesambazwa kwenye simu za watu mbalimbali...tumezunguka kila mahali hakuna kifo wala maiti yake ...na vijana wangu wanaendelea kulifuatilia suala hili” alisema Kamanda huyo.

Juhudi za kufuatilia sakata la uvumi kifo cha Shekhe Ponda uliendelea kufanyiwa kazi na Ripota a wetu huyu na usiku wa saaa tano Mwenyekiti wa Kamati huyo aliweka wazi kwa kusema kuwa Shekhe Ponda yu hai isipokuwa ameumia vibaya sehemu ya bega .

 “ Nipo katika eneo ambalo Shekhe Ponda anapatiwa matibabu...sehemu ambayo hatuwezi kupataja kiusalama , isipo kuwa ameumia vibaya kwenye bega lake. Lakini yu hai wala hajafa” alisema Msema.

Polisi Mkoani hapa bado haijatoa taarifa rasmi kuhusiana na sakata hilo, nasi twaendelea kufuatulia kwa ukaribu.

----------------------- MWISHO wa Taarifa kutoka kwa John Nditi -----------------------

AGIZO LA DPP LILILOCHAPISHWA KWENYE HABARI KATIKA GAZETI LA DAILY NEWS SIKU YA IJUMAA, AGOSTI 9, 2013

Gazeti la Daily News (Tanzania) siku ya Ijumaa tarehe 9 Agosti 2013 (habari nzima imenukuliwa hapo chini) lilikuwa na taarifa inayosema kuwa Mkurugenzi wa Mashitaka wa Tanzania, Dk Eliezer Feleshi, ameitaka polisi kumkamata Sheikh Ponda Issa Ponda kwa kuvunja amri ya mahakama ya kutojihusha na matukio ya uchochezi.

"Alitiwa hatiani kwa kosa hilo hilo, lakini alikuwa bado anafanya mambo yanayohatarisha usalama wa nchi," alisema Feleshi. "Tunatarajia polisi watatumia nguvu zao kwa busara kumkamata Sheikh Ponda na kumpeleka mahakamani kwa hatua za kisheria."

Ponda alikamatwa mwezi Oktoba kwa kuchochea vurugu uliopelekea kuharibiwa kwa mali jijini Dar es Salaam na alihukumiwa kifungo cha mwaka mmoja jela. Aliachiwa kutoka jela mwezi Mei baada ya Hakimu wa Wilaya, Victoria Nongwa, kuifuta hukumu ya jela, kwani tayari Ponda alishatumikia miezi saba akiwa kwenye mikono ya polisi.

Polisi visiwani Zanzibar wanamfuatilia Ponda kwa sasa baada ya ripoti kwamba ameitisha maandamano dhidi ya serikali. Ponda, ambaye ni katibu mkuu wa Baraza la Jumuiya za Kiislamu, anatuhumiwa kuwaambia wafuasi wake kupigania haki zao.

"Hii haiwezekani. Hatuwezi kumuacha mtu akiuke amri za mahakama na kutokuadhibiwa," alisema Feleshi. Polisi wamewakamata na kuwahoji watu watano wanaoshukiwa kumhifadhi ulamaa huyo.

    THE Director of Public Prosecutions (DPP), Dr Eliezer Feleshi, has called for the arrest of the Secretary of the Council of Islamic Organisation, Sheikh Ponda Issa Ponda, for disobeying a lawful court order.

    Sheikh Ponda was in May, convicted of forcible entry into a plot by the Kisutu Resident Magistrate's Court in Dar es Salaam. He was given a oneyear suspended jail term and directed to refrain from taking part in incitement activities likely to lead to breach of the peace in the country.

    Dr Feleshi noted that recent reports have it that the cleric is engaged in organising religious gatherings in Zanzibar, which threatened peace in the Isles. "Such a behaviour is intolerable," the DPP said in an interview with the 'Daily News' on Wednesday.

    He added: "We hope the police will exercise their powers wisely to arrest Sheikh Ponda and take him to court for penal actions." Dr Feleshi said what Sheikh Ponda was currently doing was contrary to his sentence. "He was convicted of a similar offence, but was still conducting acts that threaten the public order and concord.

    This is not acceptable. We cannot let one disobey court orders and go on unpunished," he said. Counsel for Sheikh Ponda Juma Nassoro was not reached for comment on the matter.

    Reports from Zanzibar have it that police are tracing Sheikh Ponda's whereabouts. He is alleged to have called on the citizens to initiate strikes against the government. Zanzibar Commissioner of Police, Mussa Ali Mussa was reported to have said that Ponda's statements breached police directives to religious leaders to avoid giving messages which threaten the country's peace.

    The police in the Isles arrested five persons who reportedly gave shelter to the controversial Muslim Sheikh. They were interrogated for hosting Ponda.

    Sheikh Ponda, according to the police, had requested the believers to be ready to fight for their rights and stressed that they should soldier on.

    Adjourning the Zanzibar House of Reps budget session for 2013/2014, the Second Vice-President, Amb. Seif Ali Iddi announced a ban for Sheikh Ponda to set his foot in the Isles for the purpose of inciting the people. Amb. Iddi warned that the government should not be blamed for serious measures that would take against leaders of such calibre.

Read more ...

HII NDIO KAULI YAKICHOCHEZI YA SHEIKH PONDA , "TUMECHOKA KUONGOZWA NA MAKAFIRI, LIPIZENI KISASI NA MTAPATA UHAI MZURI".

 

SERIKALI imenasa kanda za video zinazomuonyesha Kiongozi wa Jumuiya na Taasisi za Kiislamu Tanzania, Sheikh Issa Ponda, akitoa mahubiri yanayowahamasisha waumini wa dini ya Kiislamu kuanzisha uasi dhidi ya serikali.

Tukio la kunaswa kwa kanda hizo limekuja ikiwa ni siku chache baada ya Jeshi la Polisi Zanzibar kutangaza kumsaka Sheikh Ponda kwa tuhuma za uchochezi, akingali anatumikia kifungo cha nje cha mwaka mmoja baada ya Mahakama ya Hakimu Mkazi Kisutu ya Dar es Salaam kumkuta na hatia ya kosa la uchochezi.

Katika kanda hizo ambazo MTANZANIA Jumapili imefanikiwa kuziona, Sheikh Ponda, amerekodiwa akiwa katika Msikiti wa Mbuyuni, Zanzibar, alikohudhuria Mhadhara wa Dini ya Kiislamu, akiwataka waumini wa dini hiyo kuchukua hatua za kuikomboa Zanzibar kipindi hiki cha mfungo wa Mwezi Mtukufu wa Ramadhani, kutoka kwenye mikono ya utawala wa makafiri.


Huku akiitikiwa kwa neno Takbir kutoka washiriki wa mhadhara huo, Sheikh Ponda anasikika akisema Zanzibar ni nchi ya Kiislamu, hivyo Waislamu wana wajibu kwa kuikomboa kutoka mikononi mwa vibaraka wanaoiongoza, aliodai kuwa wananyonya uchumi wake na kuutoroshea nje ya visiwa hivyo.

Moja ya kanda hizo iliyorekodiwa kwa muda wa saa moja na dakika ishirini na nne, ambayo Sheikh Ponda alitumia muda mwingi kusisitiza umuhimu wa Waislamu kuikomboa Zanzibar kutoka mikononi mwa aliowaita makafiri, anasikika akisema:

“Mna wajibu wa kuikomboa Zanzibar na si mnaweka vibaraka, wanateuliwa huko halafu wanakuja hapa kuwaongozeni, fedha zote zinachukuliwa hapa na kupelekwa kule kwa sababu tumepoteza nchi, tumepoteza hadhi.

“Makafiri wanatakiwa kuyaheshimu mambo matakatifu ya Kiislamu na kuyajua, kama hawataheshimu Mwenyezi Mungu alisema lazima mlipize kisasi katika mambo matakatifu. Mungu alisema ni lazima mlipize kisasi mwezi mtakatifu kwa mwezi mtakatifu. Mambo matakatifu yamewekewa kisasi.

“Miongoni mwa mambo matakatifu yaliyowekewa kisasi ni haki na uadilifu pamoja na dini ya Kiislamu, unapozungumzia dini ni pamoja na masheikh, hawa ni watu watakatifu, watu wenye hadhi, ni watu wakubwa na watakatifu kuliko baba mtakatifu kama wanavyosema wao.”

Sheikh Ponda pia anasikika akieleza kuwa Waislamu wamedhalilishwa kwa muda mrefu, hivyo wana wajibu wa kuikomboa Zanzibar kwa kuwa hata Mtume Mohammad aliongoza jeshi akakomboa nchi ya Maka kipindi cha Mwezi Ramadhani.

Alieleza kushangazwa na uteuzi wa Rais wa Zanzibar kufanyikia Dodoma na hata uamuzi wa kumuondoa madarakani kuchukulia mkoani humo na kutoa mwito wa jambo hilo kusitishwa.

Katika hili anasikika akisisitiza kuwa; “Hakuna mtu ambaye haelewi kwamba Zanzibar ipo mikononi mwa watu wasio stahiki, Zanzibar ni nchi ya Waislamu. Sisi Waislamu wa Zanzibar tuna mazingatio makubwa kuliko watu wengine kipindi hiki cha Mwezi Ramadhani kwa sababu mafundisho tunayoyapata katika maisha ya Mtume Mohammad ni sawa na mazingira ya sasa, hivyo tunatakiwa kuyatekeleza. Zanzibar si nchi ya watu, bali ni ya Waislamu.

Katika mahuburi yake kwenye mhadhara huo, Sheikh Ponda anakisika akieleza kuwa Muungano wa Zanzibar na Tanganyika umezaa ufisadi visiwani humo na kurejea kauli aliyodai kutolewa na Mtume iliyokuwa ikiwaonya Wazanzibari kutoruhusu uwepo wa Muungano.

“Tangu lini bia, ukahaba ukawa hitajio la Wazanzibari na hii ndiyo ‘product’ iliyotokana na Muungano na Mapinduzi. Maovu ambayo hamkuyapata kuyaona ni kauli ya Mtume, alisema mkiruhusu muungano ufisadi unatokea. Leo hii mnaona nchi ya Zanzibar mambo ambayo si hitajio la Wazanzibari, mmeingiza watawala waovu katika ardhi hii.

“Zanzibar ina watu wenye akili kubwa, wenye uwezo na ina wasomi wa fani zote na ni watu wa kuigwa duniani kote…. hivi sasa Mwislamu anapokwenda mahakamani anayesikiliza shauri ni kafiri. Mwislamu anapofunguliwa kesi, sheria hazifuatwi kwa maana kwamba kuna utaratibu wa dhamana, lakini hautolewi, jambo ambalo linaonyesha wazi kuwakandamiza Waislamu.

“Leo hii viongozi wetu wanatiwa jela bila sababu, kosa lao ni pale wanapotetea Uislamu. Wako gerezani, tutapataje sifa ya Ramadhani tusipowatoa hawa ndugu zetu walioko gerezani na Mungu anasema mambo matakatifu yanalipiziwa kisasi.

“Kila siku viongozi wa Kiislamu wanauawa, Sheikh Hamis ameuawa anatoka msikitini, kafa na hakuna maelezo kwa sababu kwa mujibu wa sheria, lazima kuwe na maelekezo na mahakama iseme. Yote hayo hakuna maelezo yoyote utadhani kafa paka, kapigwa risasi kafa hakuna maelezo yoyote ya serikali.

“Ndugu zangu hali ni mbaya sana, watu wanapanga mikakati kwa ajili yenu ninyi. Msifikirie kuwa jamii haiwezi kutoweka.


'Tujenga utayari kwa ajili ya kupigania dini ya Mwenyezi Mungu, hilo ni jambo la msingi. Ukimya wenu ni tatizo kubwa sana, hivi ndivyo wanavyotaka wafike mahala wakamate mashekh wawaweke ndani, halafu mkae kimya, hili jambo ni kubwa na ni la dini, mnatakiwa msimame kidete kwa ajili ya jambo hili.

“Suala la kisasi lina uhusiano na uhai, mtapata uhai mzuri katika kulipiza kisasi ninyi Waislamu.”

Akizungumzia kukamatwa kwake hapo awali, alisema ulikuwa ni mkakati uliopangwa Dodoma, baada ya kusikilizwa kwa malalamiko ya waumini wa dini ya Kikristo.

Mbali na hayo, kauli nyingine zinazoelezwa na baadhi ya watu walioona na kusikiliza kanda hizo kuwa zina kila dalili ya kuhatarisha amani nchini, ni ile anayosikika akisema; “Sisi viongozi ndio tunatoa maagizo tuingie barabarani hata kama serikali imepiga marufuku. Kama wataleta jeshi sisi tunakuwa ‘front.’

“Kama wewe unaogopa polisi itakapofika Jihad utatoka, hawa ni watu kama wewe, anavyokupiga kirungu hakuna sababu ya kumwogopa binadamu mwenzako, hizo ni hatua za kujenga nafsi na utayari.

“Kipindi cha uchaguzi mkitumie vizuri, muwatoe hawa madarakani, watoeni wakatae halafu kimbembe kianze pale, mnatoa kauli ya moja kwa moja. Waambieni kuwa ninyi na sisi ni moto na baruti.

“Kwa upande wa Katiba, kuna suala la kupiga kura, hakikisheni kura yenu izingatie maslahi yenu. Kule Bara tulipendekeza mahakama ya kadhi imetupwa na sasa hivi kazi zile ambazo zinatakiwa kufanywa na mahakama ya kadhi zinafanywa na mahakama ya mwanzo.”

Read more ...

WAKATI SHEIKH PONDA AKITANGAZA KUGOMBEA URAIS, POLISI YATANGAZA KUMKAMATA KWA KUFANYA MIHADAHARA YA UCHOCHEZI

CHAMA Cha Mapinduzi (CCM) visiwani Zanzibar kimemtuhumu Mwenyekiti wa Jumuiya na Taasisi za Kiislamu, Sheikh Ponda Issa Ponda, kuwa anaendesha kampeni za uchochezi wa kidini.

Uchochezi huo umedaiwa kuhatarisha amani ya nchi, hivyo kuvitaka vyombo vya ulinzi na usalama kumchukulia hatua za kisheria.

Katibu wa Kamati Maalumu ya Halmashauri Kuu (NEC) Zanzibar, Itikadi na Uenezi, Waride Bakari Jabu, alisema jana kuwa ni wiki moja sasa tangu Ponda afanye mihadhara kwenye misikiti ya Mbuyuni, Kwarara na Nungwi kisiwani Unguja.

Waride alisema kuwa hotuba za Sheikh Ponda alizozitoa kwa nyakati tofauti kwenye misikiti hiyo zinapandikiza mbegu ya chuki, kuondosha upendo na kuhatarisha amani.

Alisema matamshi yake ni hatarishi kwa amani na utulivu uliopo, kwani anawataka Waislamu kupigana vita ya dini (Jihad) na kushiriki harakati za kuikomboa Zanzibar, kwa madai kuwa serikali iliyoko madarakani inawakandamiza na kuwanyanyasa wananchi.

“Sheikh Ponda ni hatari, anapanda shari na chuki miongoni mwa wananchi, anahamasisha wananchi wafanye uasi, kulipiza visiasi na kutaka waingie barabarani kwa maanadano ya kutetea haki kama inavyotokea Misri,” alisema.

Aidha, alisema CCM imeshangazwa na ukimya wa vyombo vya ulinzi na usalama wa raia kumtazama kiongozi huyo bila ya kumchukulia hatua za kisheria wakati akiwatukana matusi ya nguoni viongozi wa serikali na chama tawala.

Aliongeza kuwa Sheikh Ponda huenda anatumiwa na mtandao wa vurugu ili kuharibu na kuvuruga amani ambapo hamu yake ni kuona damu ya wananchi ikimwagika na nchi ikiingia kwenye machafuko.

Kwa mujibu wa Waride, kitendo cha Ponda kulitumia jukwaa la dini na kufanya siasa misikitini hakikubaliki na kwamba kikiachiwa kiendelee kinaweza kuleta madhara na mgawanyiko.

Kamishna wa Polisi Zanzibar, Mussa Ali Mussa, alisema jeshi hilo limeanza kumtafuta Sheikh Ponda tangu walipopokea taarifa za kuendesha mihadhara ya uchochezi katika baadhi ya misikiti, ikiwa na lengo la kuibua chuki.

Mussa alisema kitendo anachokifanya kinakwenda kinyume cha sheria, hivyo kumtaka popote alipo ajisalimishe kwa hiari yake.

Tangu kuingia visiwani Zanzibar, Sheikh Ponda amekuwa akifungamana na viongozi wa Jumuiya ya Uamsho wakipinga kitendo cha viongozi wa jumuiya hiyo kuendelea kubakia mahabusu baada ya kukamatwa na kufunguliwa mashtaka ya uharibifu wa mali na kuhatarisha usalama wa taifa.

Viongozi hao wa Uamsho wako mahabusu baada ya Mkurugenzi wa Mashitaka Zanzibar, Ibrahim Mzee Ibrahim, kuwasilisha ombi la kufunga dhamana yao kwa kutumia sheria ya Usalama wa Taifa na marekebisho yake ya mwaka 2002

Source: Tanzania daima

Read more ...